نكت ثورة 25 يناير - نكت المظاهرات المصرية

السلام عليكم
ازيكم يا احلى اعضاء
اليوم جايبة لكم اجمد موسوعة للنكت المصرية عن ثورة 25 يناير
من غير كلام كتير اسيبكم مع النكت
1- أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك
2-الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس، مما دفع ملايين التونسيين إلى المطالبة بعودة زين العابدين بن علي
3- زين العابدين لما عرف ان مبارك تنحى بعت رسالة لة يقوله فيها : متنساش تجيب دراع البليستيشن معاك – رد مبارك قائلا : لا تعايرنى ولا أعايرك الشعب خالعنى وخالعك
4- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك
5-واحد لقي الفانوس السحري ودعكه.. طلعله العفريت وقاله: شبيك لبيك تطلب إيه؟ قاله الراجل: أنا عايز كوبري بين القاهرة وأسوان، العفريت قاله: دي صعبة قوي.. نقي حاجة تانية، الراجل قاله: خلاص خلي حسني مبارك يسيب الحكم، العفريت قاله: انت عايز الكوبري رايح جاي؟ ولا رايح بس؟
6- عقد الريس جلسة مع وزير الداخلية السابق حبيب العادلي قاله حزينا:منعت الحشيش يا فالح؟ أهو الشعب صحصح !
7- مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين علي السعودية والمسيحيين علي أمريكا واقفل وهات المفتاح وتعالي
8- إعلان وظيفي نشره مبارك بعد تنحيه كتب فيه : رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة على التناحة .
9- سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة
10- واحد بيسأل الثاني إذا انتصرنا عالحكومة وفزنا عليهم حيحصل إيه ؟رد عليه الثاني :حنلعب مع تونس عالنهائي
11- ايضاً اجمد الايفهات والافشات عن حسنى مبارك ونكت ثورة الشعب المصرى..
(حسني مبارك "آسف على الازعاج" انت عملت أكبر "مطب صناعي" في تاريخ مصر والله إنت "وش إجرام" وطول عمرك "دبور" ودلوقتي معاك "زهايمر" باختصار إنت " محترم إلا ربع" كل الشعب بقى ينادي "جعلتني مجرمًا" وعملت الحلو "عسل إسود" ومن السجون "العيال هربت" سرقت من عيونا " الفرح" إنت فاكر مصر "كباريه" وعامل فيها "الزعيم" وكنا نقول يا عم عديها "حين ميسـره... " "ليه.. يا دنيا" "هي فوضى" باختصار حسني مبارك . "طير إنت

12- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!
13- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.
14- أما من الشعارات التي حملها المتظاهرون المعتصمون في ميدان التحرير، فلعل من بين أبرزها:

- رابطة نجاري مصر يسألون الأسطى مبارك: "ما نوع الغراء الذي تستخدمه؟

يتبع ارجو عدم التعليق

15- البرادعي وأحمد عز ومرشد الإخوان راكبين تاكسي فالبرادعي بيقول : أنا لما بتكلم في ميدان التحرير بيسقفلي مية ألف و أحمد عز قال : انا لما بخش مقر الحزب بيسقفلي نص مليون ومرشد الإخوان قال : وأنا لما بخطب في الجامع بيسقفلي مليون فالسواق قام قايلهم : وأنا لو لبست بيكم انتم التلاتة في حيطة هيسقفلي 80 مليون .
16-نداء من تلميذ الى الثوار فى ميدان التحرير والحكومة: لا تنسوا أن تلك الأحداث ستدخل فى مادة التاريخ واحنا اللى هنتعب فى مذاكرتها اختصروا من فضلكم .. حددووا مطالبكم من بعض وخلصونا.. كده المادة هتبقى صعبة اوى

17- ظهور الرئيس مبارك يرفع لافته كبيررة متكوب عليها
الرئيس يريد تغيير الشعب
18 - فى إتصال هاتفى:
صحفى ومراسل دولى سأل "الرئيس " تحب تقول إيه فى كلمة وداعك للشعب المصرى.
إندهش "مبارك" !

ورد بسرعة:
ليه هو الشعب رايح فين!!!!!!!!
19-
مبارك و كتاب جينتس
منذ وصوله الى السلطة، عمل مع مبارك
تسعة رؤساء إسرائيليين،
وثلاثة فرنسيين،
وخمسة أمريكيين،
واثنان إماراتيين،
واثنان سوريين،
واثنان فلسطينيين
واثنان جزائريين.
واثنا عشر رئيس وزراء بريطانيين،
وأربعة مستشارين ألمانيين،
وثلاثة ملوك سعوديين،
واثنان بحرينيين
واثنان ملوك أردنيين
واثنان أمراء قطريين
وفي الختام ولست متأكدا انه الختام
عمل ثلاثون عاما مع الشعب المصري
20-
واحد قدم لمبارك سلحفاة في عيد ميلاده ، فقال له : إيه القرف ده ؟ رد الرجل : يا ريس دي بتعيش 300 سنة ، رد مبارك : ممم طيب خلاص أدينا هنشوف
21- الريس تحدث مع وزير الأعلام أنس الفقي بحديث شديد اللهجه وقاللوه انتم ازاي مش عارقين تتعاملوا مع عقل العيال دول ؟ فرد عليه أنس ... أصل العيال دي مخها متفيرس ولازم تغيير النظـــام كله
22- الشعارات التي اطلقوها المصريين في مظاهرات يوم الغضب

(
ياسوزان قولي للبيه ... ربع قرن كفايه عليه )
(ياجمال قل لبوك ... شعب مصر بيكرهوك )

ومن الشعارات الظريفه قولهم
:
(بن علي بيناديك ... فندق جده مستنيك )
(هو مبارك عايز ايه ... عايز الشعب يبوس رجليه )
(هما بياكلوا حمام وبط ... وكل الشعب جاء له الضغط )

وأختم هذه الشعارات بالشعار الذي أضحكني كثيرا رغم أني شاهدتهم
يرددونه بمنتهى الغضب
,

*حيث يقول هذا الشعار
:
(( شيلوا مبارك وحطوا خروف ... يمكن يحكم بالمعروف ))
23- مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - ليه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - ليه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
24- مرة سيادة الريس مد إيده في جيبه لقي 5 مليون جنيه!!فزعل قوي وخاف وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات.
الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد!!
عمنا صفوت: أنت جاي علي انا؟ روح شوف علاء ابنك جايب موتوسيكل وبقاله 3 أيام
بيلف
25- كان الرئيس حسني مبارك في زياره إلى انجلترا . و في
خلال مناقشاته مع الملكه سألها ..
كيف تديرين أمور
البلاد بهذه الصرامه ... فقالت . الحل أن يكون لديك و من
حولك مستشارين يستطيعون الاجابه على أي سؤال في أي وقت
حتى يخلصوك من أي مشكله قد تحدث
فتعجب حسني مبارك و سألها . تعنين مستشارين أذكياء؟؟
قالت نعم . فقال و كيف تتأكدين من ذلك ... فقالت له :
بسيطه ... يمكنك من خلال سؤال أن تكتشف معدل ذكاء مستشارك
انتظر ... سأعطيك مثالا على ذلك ..... قامت المللكة
باستدعاء توني بلير ... وقالت : عزيزي توني .. لدي سؤال
لك .... أبوك و امك لديهم طفل .. و ليس أخوك وليس أختك .
فمن يكون ... فقال توني بلير : سيكون أنا
فضحكت الملكه و صرفته ... و نظرت لمبارك و قالت أرأيت ..
فتعجب الرئيس و عاد فورا إلى القاهره و طلب الاجتماع مع
رئيس الوزراء ... فقال له يا نظيف .. أبوك و امك عندهم
عيل .. و مش أخوك ومش أختك يبقوا مين ؟؟ فقال له : والله
يا ريس انا مش متأكد اديني فرصه أفكر .. خرج نظيف مسرعا
و قرر عقد اجتماع مع مجلس الوزراء و في خلال الجلسه طلب
عقد جلسه طارئه مع حبيب العادلي وزير الداخليه ... يا
حبيب ... أبوك و امك عندهم عيل و مش أخوك و مش أختك يبقوا
مين ؟؟ فرد عليه حبيب العادلي يبقى أنا يا نظيف باشا ..
فضحك نظيف و اتجه إلى مبارك
فلما دخل عليه قال له .. سيدي .. عرفت إجابه سؤالك ..
فقال له الرئيس و ما هو ... فقال نظيف .. سيكون حبيب
العادلي بالتأكيد ... فغضب منه الرئيس و قال له بعامية
فجّـه .... يا عديم الذكاء لو أبوك و امك عندهم عيل
ومش أخوك ومش أختك ... هيبقى توني بلير يا غبى