للبنات اللي زهقوا وملوا من الحياة...
بدون مقدمات ولف ودوران حبيت ادش في الموضوع
ونسوي
حملة يلا نعيشها
و نبي كل البنات اللي متضايقين ليل نهار واللي حالتهم صعبه والحزينات
يتفاعلون معنا لأن من جد ليه الاحزان
@@@@@@@@@@@@
وعلى ولا شي كل وحده تجي المدرسه عيونها متنفخه وحمرا من الصياح اللي طول الليل
على اشياء تافهه وماتستاهل
ياااااااابنات لازم تعشون حياتكم يعني الى متى بنعيش تحت شعار زهقانه وطفشانه وحزينه ومالي خلق
خلاص من اليوم كل وحده لازم تعيش حياتها >>عصبببت
من جد وش هذا ابي اشوف البنات مبسوطين وعايشين حياتهم ترا ملينا
الحين وبدون اسباب كل وحده مسويه انواع الحزن
طيب اذا جا وقت الحزن الصدقي بعيد الشر يعني
وش راح يصير
بنات من جد احلى ايام عمركم تضيع تحت شعار زهق وطفش
حاولو تغيرون حياتكم وتعيشونها بأدق تفاصيلها
@@@@@@@@@@@@
اكتشفتي ان صديقتك ماتتأمن على سر
وسعي صدرك وعيشي اليوم وبكره
انسي الماضي الحزين واذا كانت فيه ذكريات حلوه تذكريها وابتســـــــــــــــــــــ ـــ مـــــــــــي
تــرى اذا خربت النفسيه تخرب البشره وانواع الحبوب
ويتساقط الشعر وتبدا النحافه
حاولي تننطشين كل شي وتدلعين نفسك
اذا طفشتي روحي المطبخ سوي لك كوفي واقعدي بغرفتك واشربيه وفكري باشيااااء حلوووه
وتذكري الذكريات الحلوه
حاولي تبسطين نفسك ب شي يدش الفرحه في قلبك
يعني ليه انتظر احد يجي يوسع صدري انا اوسع صدري من نفسي
وادري انكم بتقولون صعب كيف اجبر نفسي تنبسط وانا متضايقه
بس صــــــــــــــــــــــــ ـــــــدقوني مو صعب مافيه شي صعب اذا كنتي مقتنعه فيه وناويه تسوينه
أوكي كلنا نمر باوقات نكون متضايقين ومو طايقين احد
بس لازم نتغلب على الاشياء هذي ألزم ماعلينا نفسياتنا
وتتتتتذكروا اللي تبعد عن ذكر الله وعن الصلاه تصير حياتها اتعس حياه
قال تعالى(( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَىٰ )))
