ارجوكم جاوبوا

انا عندى مشكله و عايزه استفسر فيها بس ياريت تساعدونى انا عندى 13 سنه
انا المفروض ليا صحبتان انتيم بس فى واحده فيهم انتيمت التانيه وانا جايه عليهم بس هما ساعات بيعملونى حلو وساعات لا وهما قايلينى اسرار عندهم بس هما لو عملت اى غلطه صغيره يسبونى فانا اتصاحبت على واحده بس طلعت امينه كنت قايللها اسرار بس بعد كده خاصمتها ومقلتش لحد على النا قلتولها فانا لما اتخنقت من الهما بيعملو فيا كلمت البنت ديه وقلتلها على الهما بيعملوا فيا وعلى كل حاجه وحشه بيعملوها فيا فانا م عارفه ده غلط ولا لا اصل البنتين دولا فى بنت فيهم ماشيه ورا كلام التانيه فانا ضميرى وجعنى عشان قلت للبنت ديه الغيظنى منهم فانا مش عارفه اعمل ايه ؟؟ وده غلط ولا لا ؟؟ بس البنتين دولا احس انهم غدارين
ارجوا الاجابه

انا اقولك انتى المفروض تكبري مخك زيادة عن كدة شوية يعنى انتى متبينيش ان انتى محتجالهم خليهم هما اللى يكونو محتاجنلك يعنى طنشى اى حركة يعملوها معاكى متبينيش ان انتى زعلانة منها خديها بكل بساطة ولو لقيتيهم متجريش عليهم خليهم هما اللى يجولك اعملى نفسك مش واخدة بالك انهم موجودين فهمانى وصدقينى اعملى اللى قواتلك علية وهتشوفى النتيجة وتيجى وتقوليلى انهم اتغيرو معاكى يارب تعجبك وجهة نظري وياريت تكبري مخك من كل الكلام اللى بيعملو لانى اللى بيعملوه دة يدل على التفاهة بتعتهم .تحياتى لك

انا اضيف على كلام دموع القمر انهم لو احرجوكى فى اى موقف او ضايقوكى او هزاوكى قدام اى واحدة او ميس او مستر هزايهم انتى كمان وردلهم الصاع صاعين علشان هم لازم يحترموا نفسهم ؛ وغيظيهم بالمنطق وخلى الكلمة اللى انتى قلتيها ميعرفوش يردوا عليها ؛ بس لو ضايقوكى اكتر خذيهم وروحى بيهم عالاخصائية او المدير ولو مرضيوش انتى روحى اشتكى منهم عند الاخصائية وقوليلها انهم بيضايقوكى بس من غير ما تحكيلها حكاية الاسرار دى اللى انتى قولتيهالهم ؛ وبلاش تقولى اى اسرار لاى حد تانى بعد كدة

انا يا جوجو قصدى انها تاخد حقها من غير مشاكل وبكل بساطة منغير متكبر الموضوع

احسن حاجة انك تسيبيهم وخلاص ومتفكريش فى اى حاجة من ناحيتهم وبس

انا كمان متفقة مع العضوات
لا تكبري الموضوع
و مش ضروري تكلميهم
و حاولي كمان دافعي عن حقك

وانا كمان والله مش بعملهم حاجه انا بعاملهم بحب واحترام بس انا مش عارفه هما كده ليه لو عملت اى حاجه صغيره غلط يغدورا بيا وينولى الحلو بس انا بحبهم بجد وشكرا ليكم اوى