لكلّ الأخوات المصريّات ^^

بارك الله فيكى

طيب لو حد اجابته غير الثلاثة دول

انا ليا اجابة تانية انا لن استطيع الذهاب للميدان لبعد مدينتى عنه ولكنى مع الثوار سواء كانوا شبابا او سلفيين ولست مع السلفيين فقط فانا مع من يريد المصلحة لبلادى فانا مع الميدان ولست ضد الثوار وليس السلفيين فيجب ان تكون هذذ الاجابة فى التصويت ولا نفر ق بين اى احد

لكن مش تزعلى

قولي يا ايمي ,

انا مع المتظاهرين ومش هقدر اروح الميدان ومتزعليش منى يا امانى ضد السلفيين

المتظاهرين هم المصريين مسلمين ومسيحيين وليسوا هم السلفيين انا مع ايمى وانا مصرية
اعشق تراب وطنى

لا يا امانى يا حبيبتى اللى طالعين بكرة دول كل الناس مش السلف بس

وأنا كمان معاكي يا ايمي
والسلفيين مش هما الثوار السلفيين مظهروش غير بعد الثورة وقبل كدة مكناش بنشوفهم
الثوار هما كل طوائف الشعب المصري اللي خايفين علي مصلحة البلد مش اللي بيخونوا الثوار الحقيقيين ويقولوا عليهم متدربين في صربيا وعملاء وخونة وعايزين يهدوا البلد
وعلي فكرة اختلاف الرأي لا يفسد للود قضية

شكرا لكِ

و انا لن استطيع ان اذهب للميدان لكن انا مؤيدة جدا جدا للسلفيين

طيب يا ايمى و يا أية

هو السلفيين مش هم من الشعب برده و هو من مدغشقر اكيد من الشعب و اكيد فى سلفيين نزلو

شكرا لكم بنات على كل شيء ،
يبدو أنّ تدخّلي في شؤون مصر خاطئ و أنا كنت أظنّ أنّها مثل وطني الثّاني و أخاف عليها
كخوفي على تونس ،
لا داعي للتحاور في هذا الموضوع و سأطلب من نداء حذفه و لا أريد سماع أي جدال لهذا الأمر،
يبدو أنّكم لا تعرفون معنى السّلفيّة أصلا مع الأسف
:pale:

يا امانى ياريت متحذفهوش و دة مش جدال دة نقاش عادى

و بصراحة احنا عارفين معنى السلفية كويس اوى

و الاختلاف فى الراى لا يفسد للود قضية

يا نهى أنت تعرفين السلفية و هذا ظاهر من كلامك،
لكن ،،،،،،
هناك كلام فهمته جيّدًا و هو أني تدخّلت في ما لا يعنيني في شؤون مصر :pale:

لا يا أماني محدش كان قصده كدة والله واحنا مش بنعترض علي السلفية أنا عن نفسي باعترض علي القيادات السلفية في مصر اللي بتستغل الدين للتأثير علي الأغلبية الصامتة للوصول لأغراضها السياسية وأكبر دليل علي كلامي نقضهم للعهد اللي عقدوه مع باقي التيارات بعدم رفع شعارات مختلف عليها
هما دلوقتي قدروا يحشدوا ناس كتير هذه الجمعة تحت شعار توحيد الصف ولم الشمل بس فجأة لقيناهم رافعين شعارات مصر اسلامية والشعب يريد تطبيق شرع الله مين قال ان مصر مش اسلامية مصر طول عمرها اسلامية وهتفضل اسلامية ايه لزمتها الشعارات دي؟؟!!
يعني ببساطة أنا ضد القيادات وليس الأفراد وياريت يا أماني كل العرب زيك وبيهتموا بشئون اخوانهم ويا ستي اعتبري مصر بلدك الأول مقرر بلاش التاني
بس أنا عندي تحفظ علي حاجة : دلوقتي أي كلام في هذا الموضوع بيثير خلاف فياريت محدش يتكلم في هذا الموضوع مع احترامي وتقديري لكل الآراء
والله مفيش حاجة تستاهل اننا نزعل من بعض عشانهاويشهد ربي أني بحبكم كلكم في الله وأنتي أولهم يا أماني

ياربى عليكى يا امانى انتى يا حبيبتى حساسة زيادة عن اللزوم دى مناقشة عادى بينا ومحدش قلك متدخليش معانا فى سياسة مصر احنا كلنا اخوات وانا بحبك وبحب كل اعضاء المنتدى بس بجد السلف مسببين لمصر ضرر كبير وانتى شوفتى النهردة حصل ايه فى التحرير ومتزعليش منى يا احلى امانى يا قمر المنتدى

اولا انا مؤيدة للسلفيين جدا جدا وده يا جماعة جمعة للسلفيين صحيح كان فيها ناس اخوان وناس عادية بس كان صوت السلفيين هو اللى عالى والناس اللى نزلت ده كلها كويسة وربنا ينصرنا على اعدائنا وانا مش عايزة حد يزعل من حد وكمان يا امانى انا بحبك اوى وبحبك تتكلمى فى شؤؤؤؤؤؤن مصر والله انتى عسل والموضوع جميل بس مقدرتش انى انزل بس قرايبنا نزلوووا وشكرا لتذكييييييرك لينااا

:!: :scratch:

يا بنات؟
شو صاير هون؟
ممكن حد يفهمنى؟

امانى لاتحذفى الموضوع فكل شخص له رايه ومن نزل اليوم الميدان كانوا مصرين
ولكن السلفين هم من اخلفوا اتفاقهم ورفعوا شعارات مخالفة للاتفاق وعاشت مصر بابنائها

كل واحد ليه رأى يا سندريلا

الاختلاف فى الراى لا فسد للود قضية

طبعااااااااااااا

دموع القمر كتب:

ياربى عليكى يا امانى انتى يا حبيبتى حساسة زيادة عن اللزوم دى مناقشة عادى بينا ومحدش قلك متدخليش معانا فى سياسة مصر احنا كلنا اخوات وانا بحبك وبحب كل اعضاء المنتدى بس بجد السلف مسببين لمصر ضرر كبير وانتى شوفتى النهردة حصل ايه فى التحرير ومتزعليش منى يا احلى امانى يا قمر المنتدى

\

انا لو سمحتى يا ايمى عايزة اعلق على كلامك

انا شايفة ان السلفين مش مسببين اى ضرر لمصر

و انتى بتقولى لامانى ( وانتى شوفتى النهردة حصل ايه فى التحرير )

انتى ليه علقتى على السلفيين

انتى مشفتيش يوم مؤيدى مبارك و معارضية و يوم موقعة الجمل

و ايام تانية كتير الميدان ادبهدل فيها فى الشعب جيتى على السلفين يعنى

و ياريت مكونش تقلت عليكى

معاكى 100%يا ذات الهمة شكرا يا عسلل

يا جماعة مهيش خناقة

شكرا لكِ يا rasol allah hapepy

و يا سندريلا دى مش خناقة انتى تقدرى تسميها مناقشة بس حاده شوية

و ان شاء الله ايمى متكنش زعلت منى بس انا بقول رأئى

انا ازعل من ذات الهمة "نهى" حبيبتى لا طبعا انا وضحت وجهة نظري وانتو وضحتو وجهة نظركم واللى فيه الخير يقدمو ربنا

انا معاكى يا ذات الهمه
وانا مع السلفيين 100 فى 100
والسلفيين مش عملين اى ضرر فى مصر ده بالعكس دول عيزين شرع الله وسنه رسول الله
وعيزين الاسلام يكون فى مصر
ومعلش انا اسفه
لما كانت اول ثوره ثوره 25 يناير مصر ادبهدلت و السجون اتفتحت وخرج البلطجيه
وحصل مشاكل كتييير وكمان السلفيين ما كانوا فى الثوره دى
بس انا مع الثورات العربيه
وده رأيى
وارجو انا دموع القمر ما تزعل منى
وشكرا لكى يا امانى يا قمر المنتدى
وشكرا لكم يا بنات لانكم فتحتم هذا الموضوع علشان انا من زمان كنت عيزه اتكلم فيه

عندكم حق يا بنات

و انا طبعا برده عمرى ما ازعل منك يا احلى ايمى بالمنتدى

فى النهاية الجمعة دى عدت على خير وربنا يحمى مصر ويوحد ابنائها ونتمنى ان نرى جمعة وحدة الصف حقا وليس مثل اليوم فقد كانت اسم على غير مسمى فكل جهة سواء شباب او سلفيين اتجهوا فى اتجاه

نحن منتدى ديمقراطى و لا استطيع التحكم فى اقوال احد و لن يتم حذف الموضوع ^_^



و لكن رجاء عدم وضعى فى هذا الموقف مرة اخرى فانا احب ان اقف موقف الحياد



و لكن اخلاق العضوات الحسنة و حبهم لبعض ظهر بعد انتهاء النقاش و تسامحهم



و ان شاء الله القادم افضل فى مصر فالثورة معجزة فبعد صمت ثلاثين عام قامت الثورة و ان شاء الله مصر بخير و لن يغير رايى او راى اي شخص اخر مصير مصر لذا رجاء عدم التعصب لاى جهة او محاولة فرض الاراء لانه اكيد يوجد صواب و خطا و كلا الجهتين يظن انه الصواب لذا نسال الله ان يقدم ما فيه الخير لمصر و المصريين





بدون نقاشات حادة



مفهوم يا الا هاجى بالعصاية المرة الجاية

ههههههههههههههههههههههه

خلاص يا ابلة نداء بلاش العصايا

ماشى نداء مش هنعمل دوشة تانى

العصاية مرة واحدة .......... هي دي الديمقراطية بجد
يلا بسرعة كل عضوة تستخبي تحت التربيزة أنا عارفة نداء لما بتتعصب
بس ممكن طلب بسييييييييط يا نداء من غير ضرب:
ممكن محدش يتكلم في السياسة ولا أي حاجة ليها علاقة بيها :bounce:
لو مضايقك الطلب دة اعتبريني مطلبتوش أنا مش مستعدة أتضرب النهاردة :cheers:

ربنا يكرمك يا نداء ويبارك فيكى

خلاص علشان عارفة ان انتم مؤدبات و بتسمعوا الكلام من غير عصاية هعين العصاية تانى فى الدولاب



و اتمنى لا تدخلوا فى مواضيع سياسية مرة اخرى حتى لا يحصل خلاف آخر مع ان الاختلاف لا يفسد فى الود قضية ^_^

حااااااااااااااضر
يا ابله نداء

انا معاكى يا امانى ان احنا عايزين تطبيق الشريعة بس يا حبيبتى مش ينفع دلوقتى انتى شايفة البلد مش مستقر المفروض نستنا للاستقرار وبعد كدة نفكر فى كل الامور دى

دموع الامر اتفقنا اننا لن نعيد فتح الموضوع حتى لا يحدث خلاف اخر



الرجاء عدم المناقشة فيه مرة اخرى

على فكرة كسفتينى يا نداء بس انا قبلاها منك