يقلينا العادات والتقاليد الخاصة بيكم للاحتفال بيوم العيد

السلام عليكم
بيسعدني ان اذكر لكم بعض العادات التي تقام عندنا في الجزائر
اولا في اليام قبل العيد نصنعو القاطوباشكال والوان مختلفة
ونقو الدار على سنكة عشرةونشبحو ها بالبنابل والوردوغيرهم ونفرشو تفريشات جدد
وفي اليلة العيد تقوم الجدة او الام او اي شخص من الكبار بوضع الحنة في ايادي الاطفال و الفرحة تعمر الدار
ونهار العيد نوضو مع الصباح نسمعو صلاة العيد من مكة المكرمة على التلفزيون ونلبسو حويجنا الجديدة ونديرو الريحة
ومبعد
يرحو الرجال لصلات العيد ولما يرجعو نحطو الطابلة تع القهوة
ونسمعو اغنية زينو نهار اليوم الي عندها
مذاق خاص عند الجزائرين في يوم العيد
ونروحو للمقبرة بش نترحمو على الموتا وندو معنا الصدقة للفقراء والاطفال يقومو بجمع زيارة العيد
ونزور الجيران والاقارب ثم نرجعو لدار بش نفطرو والغالب النديرو الكسكس وتكون الدار في ذاك النهار معمرة بضيوف ,
وهك نكون اختصرتلكم طريقة الاحتفال بيوم العيد في الجزائر
بدي كل واحد يدخل للموضوع يقلنا العادات والتقاليد الخاصة بيكم :P
لاتبخلو بردود :lol!: