مصر رايحة لفين *** لفرح ولا لحزن ولا دمعة عين
امتي يطلع فجرها *** بعد يوم بعد شهرولا بعد سنين
من هيمسح دمعها *** إحنا ولا غيرنا خاين لعين
...
مين هيرفع شأنها *** غير ولادها ونبتها الطيبين
مصر رايحة لفين
بعد فرحة ثورة قامت *** ليه بقينا في ليل حزين
امتي يرجع مجد بلدي *** امتي نسمع صوت رزين
صوت بيهتف باسم بلدي ***صوت يضم المصريين
يبقي كل مصري عارف *** الطريق رايح لفين
لو نتوه والسكة واحدة* **مش هنوصل بعد سنين
مصر رايحة لفين
كل واحد فينا ماشي *** مش مهم الباقي فين
كل بيقول يالله نفسي *** وكل شئ في غمضة عين
عاوز ءأمر أمري يطاع *** مش مهم أزاي وفين
مش مهم ازاي وليه *** المهم خلال يومين
تبقي احلامي حقيقة **وتتمحي اثار سنين
مصر رايحة لفين
من مظاهرة لاعتصام *** بس فالحين في الكلام
كل يوم شعارات جديدة ***والحقيقة إنها أوهام
بحلم إني ألاقي بلدي ***فوق رؤوس كل الأنام
بحلم إني ألاقي أهلي ***إيد واحدة علي اللئام
نفسي ألاقي نور جديد ** يخرجنا من جوه الظلام
