حسبى الله و نعم الوكيل

""" حسبى الله و نعم الوكيل .. انا خدمت البلد دى """

اده كان كلام المخلوع حسنى مبارك عندما كان يبكى بأنهيار عند رفضه لنزوله من الطائرة لسجن طره

انا مش عارفة و الله يعنى جاى دلوقتى يفتكر البكاء و حرقة القلب و الدم و خدماته للبلد ايه يعنى خدم البلد فى ايه انا اظن ان هو مخدمش البلد اكتر ما اذاها و اذى شعبها مين دلوقتى اللى يقول حسبى الله و نعم الوكيل و بعدين هو مستعجل على ايه عايز يخرج اساسا متهيقلى ان هو مش هيكمل حاجة فى الحكم اللى خدو دة رجا بره و رجل جوه و بعدين هو داخل السجن يتشرط و يتأمر علينا دة كان رافض النزول من الطيارة لسجن طره و لما اجبروه على النزول فضل يتكلم معاهم بشدة و حدية لحد ما جاتلو ازمة قلبية و اللى اسمه حبيب العادلى بما ان ال 6 المساعدين بتوعه اخدو براءة يبقى فى النقض هو كمان هيأخد براءة و دى اكبر مشكلة انا كنت عايزة العادلى يتحكم عليه بالاعدام هو و المخلوع افندى و لا علاء و جمال بس علاء وجمال هما اينعم اخدو براءه بس من تهمة واحدة بس و على فكرة هما ما اخدوش براءة منها بس السنة و نصف اللى قضوها فى السجن هى دى كانت العقوبة بتاعت التهمة دى لكن هما عليهم قواضى تانية و القواضى التانية دى مقدور عليها بس المشكلة فى العادلى و النقض


بس انا طولت عليكم بس حبيت اقولكم كل اللى سمعته النهاردة من ساعت النطق بالحكم لحد دلوقتى اللى سمعته من التليفزيون و الاراء اللى حوليا رحت مجمعا الحاجات دى و كتبتها هنا و كتبت اراءى

بس انا اتغظت من جملة مبارك هو فاكر اللى احنا دلوقتى ظالمينه محسش بنفسة و هو عمال يظلم فى الشعب 30 سنة دة كمان الحكم مش اد كدة دة انا كنت عايزة اعدام للعادلى و المخلوع افندى

انا مستنية اراءكم بس من غير كلام و لا مناقشة حادة كل واحد يقول رأيه و مش عشان انت رأيك غير راى يبقى انت عدوى و دى المشكلات بتواجه الشعب المصرى اللى انت رأيك مش زى رأيى انت عدوى انت مش بتفكر صح و انت و انت و انت كل واحد حر فى رأيه و الاختلاف فى الرأى لا يفسد للود قضية

خلاص كدة انا عارفة زمانكم زهقتوا منى

مستنية ارائكم

انا معاكِ فى كل اللى قلتيه وكمان لو احمد شفيق مسك الحكم يبقى الشعب رجع النظام تانى بس الفرق بين النظام القديم والنظام الجديد ان رئيس العصابة بس هو اللى تغير

ريحان القدس كتب:

انا معاكِ فى كل اللى قلتيه وكمان لو احمد شفيق مسك الحكم يبقى الشعب رجع النظام تانى بس الفرق بين النظام القديم والنظام الجديد ان رئيس العصابة بس هو اللى تغير

صح كدة

بصى طبعا انا مليش انتخابات لانى لسة طبعا مليش بطاقة بس انا فى الجولة الاولى كان ابو الفتوح هو المناسب او حمدين صباحى بس حمدين رجل ساياسى مش دينى اوى بس هو كويس جدا جدا جدا جدا هو و ابو الفتوح انما مرسى مينفعش خالص خالص و لا طبعا شفيق فبدل ما الواحد يضيع صوته لا ينتخب مرسى عند فى شفيق

انتى تعرفى شفيق قال ايه انه لما يمسل الرئاسة هينزل ايات الانجيل فى المناهج الدراسية او سيحذف ايات القران

طبع كان فى نصارى كتير هينتخبوه لكن بعد اللى قالو دة هينتخبو مرسى ليه لانهم قالو دة واحد بيسخر من دينه اومال هيعمل ايه فينا دة كان رأى النصارى فى شفيق


و فى النهاية ربنا يهدى يارب

ناصرة الاسلام كتب:

الله يكون معاكم

امين يا رب يا ناصرة الاسلام