قصص رعب

عضوة قديرة مِــزَاجِي :

بسم الله الرحمن الرحيم

ازيكم يا اجمل فتيات

الموضوع باين من عنوانه قصص رعب

طبعا احنا عارفين ان مفيش ارواح و لا عفاريت و لا الكلام الفارغ دة بس انا هجيب القصص دي مجرد التسلية و الرعب شوية و كدة طبعا

و انا بقول اهو كل اللى هنزلو مش حقيقى لكن من باب التسلية و الرعب و كدة يعنى المهم نبدأ

اول حاجة هيكون في قصة متقسمة على 4 حلقات انا هبدأ انزل الاربع حلقات و بعد كدة هنزل قصص تانية مش سلسلة لا هتبقى كل وحدة لوحدها

نبدأ بالسلسلة و الحقلة الاولى :

كساب , كساب هو الابن الوحيد لاب تفنن في اعمال النصب و الدجل , كساب كان زى اى طفل عادى يروح المدرسة و لما يرجع من المدرسة يشتغل و يساعد والده , كساب كان دوره ايه يدخل الناس يسرق الناس ينصب عليهم , و طبعا كساب كان زى اى طفل في الدنيا كان بيكبر يوم بيوم و الشغلانة بتاعت ابوه كانت بتكبر معاه يوم بيوم , لحد ما وصل 18 سنة , قرر كساب انه يتخطى مرحلة النصب و الدجل و انه يبدأ يقرأ كتب تختص بتحضير الارواح كانت موجودة في البدروم ( اسفل المنزل ) البيت بتاعهم , الاب كان في البداية فرحان اوى بابنه اللى كان شايف انه هيبقى نصاب كبير او دجال كبير , و لكنه بدأ يخاف على ابنه , قاله يا بنى : احنا بتوع نصب و دجل و كلمتين اللى انت داخل عليه انا مقدرش عليه , و لكن كساب مهتمش بكلام والده و كساب مصر انه يكمل نفس الطريق , في خلال عامين من التاريخ دة , كان حصل كتير اوى و كان مات الاب و ترك من خلفه شيطان متجسد في صورة انسان اسمه كساب , كساب احترف تحضير الجن و تسخيره فيما يغضب ربنا كان على يقين تام ا ندة طريقه لجهنم و لكنه اجرى صفقة مع الشيطان و فصل نفسه عن الجنة و اصبح اسمه مجرد ما اى حد يسمعه يبقى دة الاسم اللى مرتبط بالجحيم و الشر اسمه يتقال في القرية اللى كان عايش فيها الناس تترعب , تفنن في السحر و ايذاء الازواج لدرجة ان اى حد كان بيبقى مقبل على الزواج كان يروح يعطيه هدية عشان ميدمرش حياته , لم تكن القصة قصة انه متمكن لكن كانت القصة قصة جهل موروث للناس كلها تؤمن بقدرته على انه يقدر يعمل اى حاجة ( و العياذ بالله ) دة اضاف له قوة لقوته كمان , كان منزلة اشبة ببيوت الرعب , مظلم و كانت تفوح منه رائحة دخان كريهه جدا كانت كل الناس اللى في القرية اقلعوا على انهم يمشوا في الشارع اللى هو ساكن فيه و اتركوا الشارع كله اللى عزل من البيت اللى في الشارع اللى ساكن في كساب و اللى هرب من القرية و لدرجة ان الناس اطلقوا على الشارع دة شارع الجن ليه عشان كان فيه اكثر من حادثة ان كان فيه ناس بتدخل الشارع و متخرجش تانى في اللى خرجو منه و بيهلوسو بكلام مش مفهوم و في اللى خرجوا منه فاقدين الوعى و في اللى مخرجوش خالص و من ضمن اللى خرجوا من الشارع واحد بس اللى قال كلمتين و من ساعتها متكلمش تانى قال انا سمعت اصوات رهيبة و فضل يكرر الكلام دة و قال كمان ان الاصوات كانت زى ما يكون اصوات ناس بتتعذب , قرر بعض الرجال من القرية انهم يقتحموا بيت كساب و بالفعل عملوا كدة رجع منهم اللى رجع و الباقى مرجعوش لكن اللى رجعوا كان عندهم شحوب شديد و نظرهم شارد و دموعهم كانت لا تتوقف ابدا كل اللى كانوا بيتكلموا عنه وصف الاصوات اللى كانت خارجة من بيت كساب , فضل كساب هو مصدر رعب ليل و نهار للقرية و الناس كانت بتتكلم عن الاصوات اللى بتخرج من البيت و خرج كساب في يوم من الايام في الشارع و كان وسيم جدا و انيق جدا كان ماشى في القرية و كانه معملش حاجة عمالى يقول للناس اللى في الشارع : السلام عليكم و مبتسم و في منتهى الشياكة الناس بقت مش فاهمة هو دة كساب اللى بيخرج من بيته الاصوات دى هو كساب المبتسم
لغز الناس مقدرتش تفهموا جوالات كساب في الشارع مش مفهومة للناس و اهالى القرية فضلت على الحال دة ايام و الناس مش عارفة تعمل ايه في اللى اول ما يقوله السلام عليكم يطلع يجرى و فيه اللى اول ما يقولوا السلام عليكم يرد و هو خايف و فيه اللى اول ما يقوله السلام عليكم يقع على الارض ..... الخ

و بكدة تكون اول حلقة خلصت من القصة و برجع اقولكم ان القصة دى مش حقيقة دى مجرد قصة للتسلية و الرعب شوية بس

انتظروا الحلقة القادمة

موضوع: رد: قصص رعب الإثنين يونيو 04, 2012 1:46 am

يا مااااااااااااااامااااااااااا القصة دى مرعبة :pale: و على العموم شكرا لك ;)

فتاة متميزة جدا مِــزَاجِي :

يا لهوي انقذوني انقذيني يا امي انا خفت :evil:

موضوع: رد: قصص رعب الإثنين يونيو 04, 2012 2:41 am

هههههههههههههههههههههههههه

فتاة متميزة جدا مِــزَاجِي :

والله خفت هههه هاذي الضحكة ضحكة خوف

موضوع: رد: قصص رعب الإثنين يونيو 04, 2012 7:31 am

حلوة كمليها بسرررررررررررررعة..

أنا بحب الحجات دي..

فتاة مبدعة مِــزَاجِي :

:5ثق:

عضوة قديرة مِــزَاجِي :

آيه ~ كتب:: يا مااااااااااااااامااااااااااا القصة دى مرعبة :pale: و على العموم شكرا لك ;)

طيب هتعملى ايه يا ايه لما اجيب ال 3 حلقات الباقيين و القصص المتفرقة

العفو يا ايه و اسعدتينى بمرورك

عضوة قديرة مِــزَاجِي :

المسلمة صفاء كتب:: والله خفت هههه هاذي الضحكة ضحكة خوف

معلش معلش :twisted: :twisted: :twisted: :twisted:

عضوة قديرة مِــزَاجِي :

فرح كتب:: حلوة كمليها بسرررررررررررررعة..

أنا بحب الحجات دي..

حاضر يا فرح انتى عاملة مثلى بالظبط انا بموت فى الحاجات دى

شكرا لمرورك حبيبتى

عضوة قديرة مِــزَاجِي :

ناصرة الاسلام كتب:

شكرا لمرورك

عضوة قديرة مِــزَاجِي :

ازيكم مرة تانية

جبت لكم الحلقة التانية من السلسة

اتفضلوا :

توقف كلامنا الحلقة السابقة حول كساب ذلك الشخص المرعب و الذي يثير الفزع في كل أنحاء القرية و أصبح الناس يلجئون اليه خوفا من شره مما منحه قوة و شر و رعب لما لديهم في الاساس , هاجر الجميع و تركوا الشارع اللى كان ساكن في كساب و بقى شارع مهجور و كان فيه البيت المرعب بتاع كساب بس , و كلما حاول احد ان يمر بالشارع اصابه الفزع بل ربما لم يعد مرة اخرى , و ايضا قلت انك ساب بدأ يتجول في شوارع القرية في كامل جماله و اناقته و ظل الجميع يترقبون و ينتظرون م السبب في جوالات كساب لم يدم الانتظار طويلا حين اعلن كساب على الملء رغبته في الزواج و انه لم يجد افضل من بنات قريته كي يتزوج منهن زاد فزع السكان البعض قام بتسريب و تهريب بناتهن الى الاقارب في بلدان اخرى و البعض الاخر جمع اسرته بالكامل و هرب من البلد و البعض الاخر لم يكن لديه اقارب و لم يكن لديه اموال ليهرب بها فاستسلم بالامر الواقع و سلم امره لله و قال زى ما تيجى تيجى كساب كان دخل العديد من المنازل و اخبر الجميع انه سيعلن عن سعيدة الحظ التي ستكون زوجة المستقبل و التي ستسكن معه في بيته الرائع في الحقيقة هي تعيسة الحظ ستسكن في البيت التي سترى في اسوء ايام حياتها , كان الاختيار على هانم , هانم هي الابنة الوحيدة لطاهر موظف القرية الغلبان , بنت متعلمة تعليم عالى , مثقفة و كانت غاية في الجمال و الادب , لكن خوفها على والدها من كساب جعلها تقبل دون اى نقاش حاول والدها ان يقولها نتكلم او نهرب , قالت له : هنهرب نروح فين هو دة حد بيهرب منه , طلب كساب من عم طاهر ان هانم تاتى له بشنطة هدومها و انه مش مطلوب منه اى حاجة و لا مطلوب منه فرح و لا هيعمل فرح ليه لانه هو ناوى انه يحتفل هو و العروسة لوحدهم في منزل كساب و انه محضر لها زفاف مش هتشوف و لا شافت و لا عمرها هتشوف زيه , و من كتر رعب و جهل اهل القرية اللى عايش فيها كساب كانوا بيشترو هدايا كتير جدا و اعطوها لطاهر و طلبوا منه انه يوصلها لكساب على أساس انك كساب هيبقى زوج بنته و يبلغه ا ن اهل القرية بيهنوا كساب و انهم بيطلبوا منه الرضا و يبارك لهم حياته و كأن كساب اصبح هو الاله المتحكم في مصير القرية ( و العياذ بالله ) , و جاء اليوم و اخذ كساب هانم على كارتيه زى الكارتيه الملكية بتاعت زمان , و مفيش حد سمع عنها اى خبر ,هانم اختفت و كساب كمان اختفى , سنوات طويلة لم يحاول احد من اهل هانم ان بس يفكروا يسألوا عليها و والدها اعتبرها ماتت , و اهل القرية كان دايما كلامهم ان هانم هي الاضحية التي ضحوا بها عشان يتقوا شر كساب , لكن الموضوع عمره ما هيستمر كدة , في ليلة شتوية باردة جدا , طاهر لقى الباب بيخبط ففتح الباب و لقى هانم و معها طفلتان اتنين و استقبلها ابوها بذهول و خوف و عينه مكانتش معها كان بيبص وراها يشوف كساب جاى معها و لا لا و لكن اطمأن انها جاية لوحدها و طبعا كان معلها الطفلتان دول و دول كانوا بناتها اسمهم سعدية و فوزية و والدها لما اطمأن انها لوحدها سئلها انتى عايشة ازاى
البيت شكله ايه انا عايز اعرف انتى خلفتى انتى مبسوطة و لا ايه الوضع معاكى كانت معندهاش غير رد واحد ( الحمد لله ) ساعة واحدة و الباب خبط تانى و اذا بكساب جاى عشان يأخد هانم و بناته و على وجه علامات سعادة بالغة و بيقول لوالدها انا عايز هانم عشان نرجع البت هي كدة خلاص مدة زيارتها ليك خلصت , ما اغربها زيارة عم طاهر لم يفهم منها اى حاجة , وبعد اما هانم روحت تانى مع كساب عم طاهر لقى على الكرسة اللى كانت هانم قاعدة عليه ورقة و جرى عشان يفتحها عشان لو هيلحق يودهلها فلقى مكتوب فيها جواب من هانم لعم طاهر اللى هو والدها و كان نص الجواب كالاتى (((( ابى الحبيب اعلم كل ما يدور برأسك و اعلم كل ما تفكر فيه كل اللى هقوله لك ان انا يا والدى عايشة مع شيطان عمره ما كان انسان منذ ليلة الزفاف و انا ارى اشخاص في المنزل ليسوا بشر تقدر تقول عليهم اشباح تقدر تقول عليهم جن تقدر تقول عليهم ارواح انا مش عارفة هم ايه , هم اللى عملوا لى حفل الزفاف بتاعى , يا والدى كساب بيسخر الجن في كل حاجة , انا على يقين انه مش مسخر للجن و بس كساب قاتل كساب عائلته بالكامل هو اللى قاتلها هتسالنى ازاى معرفش لكن انا اللى عرفتوا ان في غرفة كبيرة تحت البيت حاولت ادخلها اكتر من مرة و لما وصلتلها في الاخر ندمت جدا لانها تحتوى على مئات الجثث و الهياكل العظمية و متعلقات لما قلبت فيها عرفت ان دول من اهالى القرية و من اهلنا , يا والدى انا عايشة مع قاتل اجرى صفقة مع الشيطان عايش مع الشيطان اشباح يتجولون في المنزل زى ما تكون القطط تتجول في حديقة , يا والدى كل اللى هقدر اقوله لكن انقذنى كساب اخر حاجة قالها لى انه ناوى يحضر الارواح عليا مفهمتش يعنى ايه هيحضر الارواح عليا لكن بمرور الوقت عرفت يعنى ايه يحضر الارواح عليا يعنى انا الجن هيلبسنى فيما بعد عارف يعنى الجن هيلبسنى يا والدى عارف يعنى ايه , انا خايفة و مرعوبة و بطلب منك طلب واحد سبتينى اتجوز الجوازة دى و انا ضحيت بنفسى ارجوك بلغ عنه , كساب يا والدى ميعرفش معرفتى للغرقة دى و لا عمره يفكر ان انا نزلت و حتى الجواب اللى انا بكتبه لك هو ميعرفش عنه حاجة لكن انا خايفة ان اشباحة و عفاريته يقولوا له على الجواب دة ارجولك بمجرد ما تلاقى الجواب دة اجرى و بلغ اقرب قسم شرطة يا والدى متسبنيش في اللى انا فيه و الا خلال ايام هكون واحدة من المئات المدفونين في الغرفة اللى تحت البيت )))) عم طاهر جرى و راح لواحد اسمه سالم و حكى له كل اللى حصل و كل اللى قراه في الجواب و اتفقوا انهم هما الاتنين يروحوا صباح اليوم التالي لاقرب قسم شرطة عشان يبلغوا عن كساب لان الموضوع مش موضوع عفاريت و لا جن و ارواح الموضوع ا ن دة قاتل و لازم يتقبض عليه و اتفقوا انهم مش هيجيبوا سيرة جدن و لا عفاريت و لا الكلام دة عشان محدش يصدقنا و في صباح اليوم التالي ذهب سالم لبيت عم طاهر عشان ياخدوا و يروحوا قسم الشرطة عشان يبلغوا عن كساب فلما وصل سالم لبيت عم طاهر لقى زحام كبير على منزل عم طاهر و صراخ لبعض النساء يعنى شكل المنظر كان مرعب فدخل عم سالم للداخل فلقى عم طاهر ملقى على الارض ازرق الوجه فاتح فمه على الاخر و على واجه علامات فزع رهيبة جدا فسمع سالم الناس بتقوا : هو متخشب كدة ليه , هو ميت بقاله اسبوع و سمع سالم صوت تانى يقول يا ساتر يا رب هو الراجل دة شاف ايه قبل ما يموت و صوت اتنى بيقول : دول شافوا باليل كاراتية واقفة امام بيته و كلام كتير كتير كتير , وطبعا سالم لم يذهب لقسم الشرطة عشان يبلغ لانه خاف من كساب , و خلال كام يوم ناس وجدوا جثمان هانم ملقى في الشارع افتكروا انها ماتت و لكن وجدوها في حالة انهيار شديد جدا اخدوها لبيت والدها و بدأو يعتنوا بها بس هي كانت في ملكوت تانى خالص محدش عارف هي مالها الناس كلها عمالة تبص عليها و تقول : هو في ايه مالها هو البيت دة ملعون و لا ايه و الغيبوبة او الغياب اللى كانت فيها حتى مخلهاش تسأل على والدها فين انا شفتهم انا شفتهم بعينى انا قلت لك يا والدى قالوا لى مش هنخرج و قالوا له مش هنخرج كانت بتقول كلام مش مفهوم و مفيش حد كان فاهموه غير عم سالم لانه فاكر ان طاهر قاله ان كساب قال لهانم انا هحضر الارواح عليكى و بعد كام يوم كانت هانم مش نايمة في السرير كانت هانم بتجرى في الشوارع مقطعة الثياب تثير الفزع في كل شوارع القرية بتغنى بتصرخ بتنادى على بناتها بتنادى على فوزية و على سعدية و فجأة يتحول صوتها من صوت انثى لصوت رجل مرعب جدا صوت راجل الناس مش فاهمة هو عايز ايه , كل الناس بقت تسمع الصوت و تخاف صوت واحد طالب المساعدة صوت واحد بيرعب الناس محدش يعرف لكن كلهم كانوا بيخافوا يقربوا منها و اللى يفكر يقرب من بيت عم طاهر عارف ايه اللى هيسمعوا نفس الاصوات اللى كانوا بيسمعوها زمان في بيت كساب كل الناس كانت بتسمع الاصوات دى كانوا بيقولوا ايه اللى بيحصل في البيت دة , الناس بعدت عن بيت عم طاهر الفزع كان بيتملك اى حد يسمع الاصوات دى كانت الاصوات دى مستمرة في الشارع اللى ساكنة فيه هانم طول الليل مكانتش بتسكت الا خمس اوقات في اليوم وقت الاذان , عجيبة القرية دى كم عجيب امر اهل هذه القرية الذين ارتضوا ان يعيشوا في عالم من الرعب المجهول الذى لا تفسير له سواء ان يكون حاجة مش مفهومة او حاجة نقدر نتغلب عليها بدل ان يفكروا ان ينقذوا نفسهم من هذا الرعب وافقوا انهم يعيشوا خلف اسوار منازلهم نسيوا انهم ممكن يتحدوا و يكون شجعان و يتغلبوا على كساب و شره و يتغلبوا على الذى فعله بالمسكينة هانم اللى تزوجها و لبسها الجن و لما معرفش يصرفه طردها من البيت جحيم على وجها حرمها من بناتها فاصبحت امرأة مرعبة مصدر فزع لكل واحد في القرية كل الناس كانت رابطة اسم بنت عم طاهر هانم بالرعب لان مجرد ما حد بيقابلها و يسمع صوتها بيتمنى ان اليوم اللى شافها فيه ميتكررش تانى

كدة الحلقة الثانية خلصت

فتاة اكثر من رائعة مِــزَاجِي :

انا لم اقراها لان من ردود الصديقات شكلها مرعبة ومخيفة
وانا بخاف جداً ولا احاول قراءتها
على العموم شكراً لكِ صديقتى على هذا الموضوع

فتاة متميزة جدا مِــزَاجِي :

يا مامي اااااااااااااه

عضوة قديرة مِــزَاجِي :

حفصه المصريه كتب:: انا لم اقراها لان من ردود الصديقات شكلها مرعبة ومخيفة
وانا بخاف جداً ولا احاول قراءتها
على العموم شكراً لكِ صديقتى على هذا الموضوع

على فكرة عادى و الله تقرأيها هى كدة كدة مش حقيقة بس دى مجرد للتسلية و الرعب شوية

العفو حبيبتى لا شكر على واجب

عضوة قديرة مِــزَاجِي :

المسلمة صفاء كتب:: يا مامي اااااااااااااه

استنى بس عليا يا صفاء اومال لو شفتى الحلقة الثالثة و الرابعة الحلقتين اكتر رعبا من الحلقة الثانية

هههههههههههههههههههههههههه :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted:

شكرا لمرورك

عضوة قديرة مِــزَاجِي :

انتظروا حبيباتى الحلقة الثالثة و الرابعة و هم اكثر رعبا من الحلقة الثانية و الاولى

ههههههههههههههه :twisted: :twisted: :twisted: :twisted:

فتاة مبدعة مِــزَاجِي :

عضوة قديرة مِــزَاجِي :

العفو ايه لا شكر على واجب يارب تكون عجبتك

عضوة قديرة مِــزَاجِي :

انتظروا الحلقة الثالثة قريبا جدا

نجمة المنتدى مِــزَاجِي :

واو موضوع رائع جدا اختي ذات الهمة وقصص مرعبة هاها

فتاة متميزة جدا مِــزَاجِي :

عندي حل واحد انيلما ادخل عالموضوع ما اقرى القصة اوكي المهم ما تجيبيلي صورة تخوف

عضوة قديرة مِــزَاجِي :

انا متشكرة جدا جدا جدا جدا لمروركم

و متخافيش يا صفاء انا مش هحط صورة تخوف و هحط القصة بس

عضوة قديرة مِــزَاجِي :

انا هجيب جزة من الحلقة الثالثة فى الرد القادم

عضوة قديرة مِــزَاجِي :

وقف كلامنا المرة السابقة عن حال المسكينة هانم و انها كانت تجوب الشوارع هنا و هناك بنتيها اللى احنا عرفناهم هما سعدية و فوزية , ظلت تبحث و نبحث و لكن دون جدوه , كانت تضحك فى هيستريا ثم تتحول لصوت رجل تجوب القرية نهارا و تتوارى عن الانظار ليلا تبقى فى بيتها الذى لم يعد احد يفكر فى الاقتراب منه لما يصدر منه من اصوات مرعبة التى اخبرتكم عنها المرة السابقة
كان اهل القرية الطيبين يتركون لها طعاما على باب المنزل شفقة على حالها و عرفان بالتضحية التى قدمتها من قبل عندما وافقت ان تتزوج من هذا الملعون كساب هان لم تتغير , هانم لم تتغير كثيرا و لم يتغير حال اهل البلده و لكن هانم اصبحت لم تنادى على بنتيها مثل الاول و خروجها اصبح قليلا لان خروجها اصبح مصدر سخرية من الاطفال لان كل ما يشوفوها كانوا يجروا و راها و ويقولوا ( المجنونة اهيه ) ففضلت هان البقاء بالبيت البعيد القديم حيث احلى الذكريات لها ذكريات الطفولة و ذكريات الاب الحنون الذى كانت تحبه و لن تنساه ابدا ذكريات الشباب احلى لحظات العمر التى تبدلت بهذا الزواج بأسوأ لحظات العمر ظل هذا الوضع لسنوات طويلة حوالى 18 سنة و تقريبا اهل القرية نسيوا الموضوع نسيوا اسم كساب و نسيوا اسم هانم و طاهر و سعدية و فوزية من كتر المشاغل و تغير الحياة لكن هم مش عارفين ان الماضى مش بيتنسى و خصوصا ان الماضى بيحمل اسم بنتين فوق ال 20 سنة هما سعدية و فوزية و كالعادة يبدو ان زائرى الليل فى القرية قرروا العودة من جديد , ففى ليلة من ليالى فبراير الباردة كانت ليلة باردة جدا جدا و كان الجميع داخل المنازل يلتفوا حول المشاعل للتدفئة نذهب تحديدا لبيت عم هلال و عيلته عم هلال دة واحد ساكن فى القرية بسيط و منزلة بسيط جدا و كانوا تقريبا كلهم نايمين و فى عز ما هما نايمين سمعوا خبط على الباب شديد جدا لا يتوقف خلاهم يقوموا مفزوعين من النوم

عضوة قديرة مِــزَاجِي :

ان شاء الله التكملة فى الرد القادم غدا ان شاء الله

موضوع: رد: قصص رعب السبت يونيو 09, 2012 3:54 am

يلاا كمليها ..
خطيييييييييييييييييييرة..

أنا بشكرك جداً سلمت أناملك الذهبية..

فكم أبدعت لنا ونقلت إلينا كل جديد ومفيد..سلمتي..

موضوع: رد: قصص رعب الأحد يونيو 10, 2012 4:37 pm

بصراحة ما عتش خايفة زى الاول انا متشوقة اوى للباقى
و شـــــــــــكـــــــــراً لـــــــــــــــــكِ

عضوة قديرة مِــزَاجِي :

اوكى حاضر هجيب الباقى

شكرا لمروركم

موضوع: رد: قصص رعب الإثنين يونيو 11, 2012 5:55 pm

فين البقى يا نونو ؟؟؟؟؟؟؟؟

نجمة المنتدى مِــزَاجِي :

بصراحه انا ليس لى قلب ان اقرأها صديقتى سامحينى فانا بخاف جداً

موضوع: رد: قصص رعب الثلاثاء يونيو 12, 2012 7:06 am

يلللللللللللللللللللللللللللللللللللا بقى..

!!!!!!!!!

عضوة قديرة مِــزَاجِي :

حاااااااااااااااااااااااااضر

فتاة متميزة جدا مِــزَاجِي :

انا رح اجيبلكم صورة مخيفة انياهاهااهاا :twisted: انتظروا

عضوة قديرة مِــزَاجِي :

جرى عم هلال على الباب و سئل مين اللى بيخبط فاذا بصوت انثوى مضطرب ( ارجوك افتحلى ارجوك ابوس ايدك افتحلى ) بدون تردد فتح عم هلال الباب و كان متوقع يشوف بنت زى ما الصوت اكدله فتح عم هلال الباب و لقى بنت تسقط مغشيا عليها على الارض امامه و كان ملامحها كلها تعب و ارهاق و فزع شديد جدا اسرعت زوجة عم هلال و ايقظت الجيران عشان يكونوا شهود على اللى بيحصل عشان مينفعش عم هلال يدخل حد بيتوا من غير شهادة الجيران طبعا عشان مش عاريزين ندخل عم هلال فى متاهات قام الجميع بادخال البنت لبيت عم هلال و حطوها على كنبة و حاولو ا الستات من اهل البيت و اهل الجيران ايقظها دون جدوة مش عارفين يفوقوها فقرروا ان يتركوها لحد الصباح و ان شاء الله تفوق و يعرفوا ايه حكايتها , كانت البداية حينما افاقت هذه الفتاة و وجدت الجميع يطلع و ينظر اليها فى ترقب و قبل ما اى حد فيهم ينطق بكلمة قالت : انا عايزة اروح لبيت الست هانم طاهر فرد عم هلال و قالها : هانم طاهر مين هانم طاهر , فهمست فى اذنه زوجته و قالتله : دى هانم المجنونة انت مش عارفها دى المجنونة سمعت الفتاة هذا الاسم و قالت : مجنونة ؟ امى انا مجنونة ؟ ايه الكلام اللى انتم بتقولوه دة , كان الرد : امك ؟ انتى بنت هانم ؟ , بس هانم مكانش ليها عيال من كساب دة كان رد عم هلال لكن رد جالوه من الواقفين : لا دى كان بنتين و كانوا بيقولوا تؤام , ردت سعدية اللى هى البنت اللى جات و قالت : انا سعدية ارجوكم و صلونى لامى , و بالفعل خدوها من ايدها و راحوا للبيت القديم اللى كانت هانم المسكينة عايشة فيه

عضوة قديرة مِــزَاجِي :

باقى الحلقة الثالثة ان شاء الله قريب

عضوة قديرة مِــزَاجِي :

معلش يا بنات انا اسفة لانى اتأخرت عليكم

بس انا هنزلكوا حالا الجزء الجديد

عضوة قديرة مِــزَاجِي :

دخلت عليها و لكن اللقاء مكنش زى ما بنشوف فى المسلسلات و الافلام لقاء ام ببنتها و لا حتى اللقاء اللى ممكن نتخيلوه ان الام المتوحشة اللى هتقابل بنتها , كان لقاء يعتبر صدمه , صدمه ابنه يعنى يعتبر مفجوعة يعنى متضطربة من مشهد ام شكلها اقرب ما يكون للمومياء , كائن تقريبا لم يسمع عن الاستحمام منذ سنوات طويلة , عم هلال قرب من سعديه و قالها بصوت هامس : متقربيش منها انا خايف عليكى , سعدية كأنها مش سمعت حاجة قالتله : ايه بتعض يعنى ممكن تموتنى , قالها بصى هما بيقولوا عليها عاملة زى الكلبة فى نومها يعنى شوفى لو كلبة مخلفة و لو قربتى منها لو من ولادها شوفى هى هتعمل ايه , ردت و قالت له : طيب ما انت بتقول اهوه لو حد قرب منها او من ولادها طيب ما انا بنتها , مهما حدث عمر ما الزمن يغير فكرة الامومة و حب الام لبنتها او لابنها , ظلت هانم فى صمت لما شافت بنتها و ظلت شاردة الزهن و كأنها تسترجع شريط اسود من الذكريات شريط يمكن مكانتش عايزة تفتكروه لكن الزمن اللى فرض عليها انها تفتكروه فضلت ساكته و لكن سعديه مقدرتش اترمت سعديه فى احضان امها هانم و لكن الام صامته لا تنطق و ايضا لم تصرخ كالعادة و كأنها عرفت انها وجدت نصف ضلتها احدى ابنتيها انسحب الجميع تماما لما لقوا المنظر دة و لكن عادا سعدية طبعا قالت لهم : اتفضلوا انتوا انا عايزة اقعد معها عايزة اعتنى تانى بيها , سألها عم هلال : عايزة فلوس يا بنتى ؟ , قالت له : لا معايا , قالها : طيب بصى ابوكى فين ؟؟ , قالت له : مات , قالها : كساب مات ؟؟؟ مات ازاى ؟؟؟ , مردتش , سالها تانى : طيب اختك فين يا بنتى ؟؟؟ , برده مردتش , خرج عم هلال و قالها : طيب بصى يا بنتى انا هبعتلك انتى و امك الغلبانه الغدا بتاعكوا و كل يوم علينا و على البلد هنعملكوا الاكل بتاعكوا انتوا منا احنا هنسيبكوا كفايه سابوا امك زمان

عضوة قديرة مِــزَاجِي :

انتطرونى فى تاااااااااااانى

نجمة المنتدى مِــزَاجِي :

ليش هاي افلام الرعب انتي شريرة يا ذات الهمة ههه
شكرا لك دائما تشوقينا فداومي على ذالك هداك الله

موضوع: رد: قصص رعب الجمعة أغسطس 17, 2012 4:46 pm

بصراحة ان كل كلمة قلتها تخيلتها والامر مخيف

فتاة متميزة جدا مِــزَاجِي :

بصراحة انا كنت امزح انا ما اخاف dancing

فتاة نشيطة جدا مِــزَاجِي :

كملي القصة بليز شكرا القصة كتير مرعبة Shocked

فتاة متميزة مِــزَاجِي :

شكراا لك