تلعثم الما
يرسم الصوره
عَجَز
واهتزّت ركونه عبث!
كانت إهي
انقا من الما
تعجِزِ الما والسبب
كانت ملامحها
تملّحها
وعذب الما عجز يرسم ملامحها
صعد هالما
يلامسها
وطش طش في عذوبتها
وتنسنس من تنفّسها
وتنامت زهرة الخدّين
حمرا ..!
من حياها
واستحا الما
وذاب بعض الما في ملامحها
وبعض الما ..:
طاح وفاح الما بعطرها !!
وانتثر واهتزّ سطح الما
وسولف الما
عن حكايتها
ويديني كانت الما
ترسم الصوره فْـ قصيدتها !!!
.
\
.
\
.
تنعنع الاحساس
يزرعني عنى
ينعى معاناته
ويلعن حظّه المعني بهجرانه
وزرع دعواته العذرا
وحصد بالليل استغفار لعناته !!
ورجع يدعو حظوظه
ياتجي
او ماتجي
من اجْل دعواته
عسى تنهي
معاناته ..!
.
\
.
\
.
طفله وروح وبياض انسانه
_________مثل الندى همسها وسط المي
شوفوا خيوط الفرح حيرانه
____________ألوانها عندها ماهي شي
وانساب قوس القزح بالوانه
______________يزيّن احلامها لون وضي
طفله وتروي وهي ظميانه
____________ياروحها لي تنفّسها الفي
مكنونها روح مثل الدانه
_________قال الحشى يظمّها هذي لي !
طفله مرح رنده وريّانه
______________تلاعب الما ويرويها ري
مدري عيوني فليلها سهرانه
________شفت القمر قالت عيوني هي !
.
\
\
.
اورق ورق
غِصْنِ القَلَم
اورق
مبلّل بالشعر
وازهر زهر أحمر
.
.
.
بعد ماقيل طفله ..!
....
