حد جرب الاحساس ده ؟؟

(◕‿◕)
حد جرب الاحساس ده ؟؟؟
♥::::::::::::::::♥

بضحك وأهزر قصاد الناس
... لكن لوحدى بعيش إحساس
:::::::::
إحساس حزين وجرح مالوش حد
ودمع عين وألم يهد بجد
:::::::::
وبخاف لو حد يجي يكلمني
يحس بيا ويشيل معايا همي
:::::::::
فبداري دمعي حتى لو بيألمني
والناس تحس إن مافيش أسعد مني
:::::::::
كل واحد كاتم هم وشايله جواه
مش ناقصه كمان يشيل همى معاه
:::::::::
وبقول كل ابتلاء اكيد فى خير وراه
هأثبت وأتحدى برضه وأحاول همى أنساه
:::::::::
ومش هأخلى شيطانى يضحك ف يوم عليا
ويخلى همى الدنيا وأنسى أخره جايه
:::::::::
ويقلل من إيمانى ويزيد اليأس فيا
عايز يحبطني وأعجز وأبقى ليه تسليه
:::::::::
ومهما إن مريت بضيق وعشت أزمات كتير
مادام مع ربى يبقى هيتيسر كل عسير
:::::::::
والدنيا دي إمتحان فيها سقوط ونجاح
يوم هعيشها صعبه ويوم سهلة ومرتاح
:::::::::
ورزقى خلاص مكتوب بس أسعى فيها بجديه
وأرضى برزق ربى مادام عملت اللى عليا
:::::::::
فبحاول أضحك وأهزر وأكون مرتاح وهادى
ومبقاش مع ربى مقصر ويبقى عني راضى