๑◦˚رمضان مع فتياتِ الإسلام له وضعُ مختلف ๑◦˚

أيام قلائل و يهل علينا شهر رمضان المبارك *)

فماذا أعدتــى له يا أخية ؟؟

بمعنى آخر : ماذا قررتى أن تفعلى فى هذا الشهر ؟

هل أن تنامى مع شروق الشمس و تستيقظى مع الغروب و تمضى بقية اليوم فى مشاهدة التلفاز و اللعب ..؟

للأسف ..!

هذه حال كثير من فتيات هذه الأيام ..

و أنتِ .. بماذا أعدتى لهذا الشهر الكريم ..؟

إنتظرونى مع مشاركة أخرى إن شاء الله .. فسوف أتكلم عن كيفية قضاء و قت ممتع فى رمضان

من الإستيقاظ حتى النوم ..

تابعونى ..

و نكمل ..

طبعاً معظم الفتيات يقضين رمضان فى مشاهدة الملسلات الرمضانية و المسابقات و البرامج الغير هادفة و السهرات

و يستعدن له بكتابة قائمة المسلسلات التى سيشاهدنها فى هذا الشهر ..

و لكن لماذا ؟؟ لماذا هذا ؟؟

شهر رمضان نعمة من نعم الله علينا و تستغليه فى هذه الأشياء بدلاً من العبادة

لا حول و لا قوة إلا بالله ..

سأدخل فى الموضوع سريعا حتى لا أطول عليكم ..

أولاً : النوم و الإستيقاظ ..

أعرف أن معظم الأسر تنام بعد الفجر ...

قبل الفجر بنصف ساعة إذهبى إلى المطبخ و ساعدى أمك فى إعداد السحور

و قللى من الطعام و أكثرى من شرب الماء ..

و بعد تأدية صلاة الفجر إذهبى إلى النوم ..

و حاولى الإستيقاظ الساعة الـ 11 .. و إذهبى إلى دورة المياه و إغسلى و جهك و توضئى و لا مانع من الإستحمام ..

و بعدها قومى إلى تأدية صلاة الظهر و بعد الصلاة إقرأى 5 صفحات من القرآن الكريم

( ملحوظة : بعد كل صلاة فى رمضان إقرأى 5 صفحات أو أكثر من القرآن على حسب ما تريدين المهم يكون ورد قراءة بعد كل صلاة )

و بعدها إذهبى و رتبى غرفتك ..

و إجلسى على الإنترنت ..

و لا مانع بعد الجلوس على الإنترنت أن نقوم بصناعة فانوس رمضان أو زينة حتى نسلى أنفسنا

و هذه الطريقة :

أولا تحضرى ورقة ..

تقسمى الورقة نصفين ..

هتقصى الورق بمسافات متساويه زى الصوره

بعد كده افتحى الورقه زى الصوره

لف الورقة كما هو موضح بالصورة ..

لزق الاطراف باى ماده لاصقه

أحضرى ورقه بلون مختلف وقصيها زى المسطره
وحطى اللزق على أطرافها

الفانوس ده كده لوحده
ممكن تعمليه لأختك او اخوكى الصغير
او ممكن تزينى بيه غرفتك

تجيبى نفس الورق وتقصيه مسطره وتعمليه دوائر
وتعلقى فيه الفوانيس بالشكل ده

ساعة أو إتنين لما العصر يأذن .. و بعد قراءة الورد إذهبى و ساعدى أمك فى تحضير الإفطار

ممكن تدخلى المطبخ و تعملى أكلات خفيفة لرمضان زى البسبوسة و الأيس كريم و الجيلى و الطرق موجودة على النت

و مامتك تفرح كتير ..

و بعد مساعدة ماما فى المطبخ شاهدى برنامج من البرامج الهادفة فى شهر رمضان

و فى الوقت ده ( انزلى اشترى طلبات للبيت - إشتركى فى مسابقة مفيدة - تعلمى الرسم - إشترى زرعة صغيرة و اهتمى بيها

إقرأى قرآن - ادعى ربنا و أذكريه )

و بعد المدفع ..

إشربى كوب الماء و العصير و أذهبى للصلاة وبعد الصلاة خلصى كل الآطباقى و لا يهمك

و طبعاً بعد الإفطار بتروحى لأقاربك و إنتى نازلة تصدقى على فقير ممكن يدعيلك و الدعوة تستجاب .. و كمان تاخدى أجر كبييير

و ما تنسيش بعد كل صلاة قراءة ورد ..

إنتظرونى فى المشاركة الجابة لأنى تعبت ..

فى أمان الله *)

إنا خلاص خلصت اليوم الرمضانى لكن فى أفكار أنا بعملها فى رمضان مفيدة و جميلة ..

1- كل يوم أجمع مبلغ معين 2 أو 3 جنية لحد آخر يوم فى رمضان هكون جمعت 56 جنيه أو 84 جنيه و أتصدق بيهم على الفقراء
ده خاص بيا غير الى بابا هيطلعوا لزكاة رمضان ..
2- نساعد فى شنطة رمضان الى جمعية رسالة بتعملها ..
3- نتجمع فى حلقة دينية مفيدة و هادفة ..
4- نعمل مسابقات دينية للأطفال ..

دى أفكار أنا و صحبتى هنعملها فى رمضان ..

و أنتوا ورونا أفكاركم الجميلة علشان الكل يستفاد ..

يلا سلااام ..

ملحوظة يا جماعة : أنا إلى عملت الموضوع ده بنفسى و تعبت جدا و انا بعمله غير طريقة عمل الفانوس أنا نقلاهاو أنا فى الأول إكلمت عربية فصحى لكن إكلمت مصرى برده لإنى مش أوى فى اللغة العربية الفصحى
يعنى كلها لخبطة بس المهم انكم تستفيدوا و خلاص ..

فتاة نشيطة جدا مِــزَاجِي :

شكرا حبيبتي على مجهودتك موضوعك رائع

السلام عليكم ورحمة الله وبركاته

شكرا لكي موضوع رائع وقيم جدا جدا جدا ابدعتي

تقبلي مروري

مع السلامة

مديرة المنتدى مِــزَاجِي :

شكرا على مجهودك يا آية و الفصحى بتاعتك جميلة متقلقيش و ان شاء الله نزود بعض الطاعات على هذا اليوم فى قافلة رمضان بداية

فتاة نشيطة مِــزَاجِي :

مشكورة على مجهودك الي ما راح سدى يا حلوة بل استفدنا منه كثير

فتاة رائعة مِــزَاجِي :

ربنا يبارك فيك ويكرمك أفكارك جميلة أوي و إن شاء الله تنفذ