قصيدة باللهجة الجزائرية
ولا روتين ...............الغاشي في لاري
شحال من بطال...........تقول واحد ماقاري
واحد خدام................عندو قفة الدراري
لاخر وحداني............مخو يبيع ويشري
تخرج فرحان.............لعشية ترجع حزين
سبابك لصحاب.............مابقى فيهم حنين
غير اللي يصاحبك............علاجال جيبك
واذا فرغ الجيب..............انس يولي حبيبك
تدخل للدار.................تلقى المدام تشكي
تنشعل النار................تضحك ولا تبكي؟
تحب القفة فيها اللحم و البنان
تعاند الجارة اللي راجلها سلطان
واش راني نشوف.........غير اللي يتبعك بالعين
كل شيء مكشوف.........قلي تهرب لوين؟
مظلوم ماظلم............يقتلوه بالخوف
ولي ظلم وحكم...........يرفدوه عالكتوف
ندخل للقاهوة........كي يامات زمان
تسمع الراي.........تهرب ماتزيد تبان
وينهم لشياخ..........عليهم تدمع لعيان
وين راه الحاج.............فنو ينسي لحزان
كيفاش يجيك في الليل النوم
القلب حزين.............والخاطر مهموم
تحوس تخدم.............لازملك ديبلوم
واللي جابو...........يخدموه عساس النجوم
يا لطيف .......كيفاش تبدلت لحوال
تبدل الزمان.............ولات لحياة هبال
اللي كان jeune........شعرو شاب وذبال
ملي يصبح............يشكي يخاف ويسال
شحال تغيضي........ يا بلادي الجزائر
جاك الطوفان............مالقيتي ماديري
دار بيك الزمان...........ماعليك غير تصبري
ربي يحميك.............وترجعي كي بكري
هذا قولي ليكم.............يا ناس لحياة مادوم
غدوة تموتوا كلكم............. الباقي غير القيوم
ابنو ماريبت يديكم..............راهو غالي في السوم
لوطن ينادي عليكم................حقو ثابت معلوم
" /> 
